Бағдодда уюштирилиб, 130 дан ортиқ кишининг ҳаётига зомин бўлган портлашлар ИШИД террорчилик гуруҳига қарши курашда АҚШ томонидан Ироқ ҳуқуқ-тартибот органлари ва қуролли кучларига бериладиган кўмакни кучайтиради, холос. Бу ҳақда Оқ уй Миллий хавфсизлик кенгаши вакили тарқатган ёзма баёнотда айтилади, деб ёзади «ТАСС».
«Ушбу ҳужумлар ИШИДдан ҳудудларни қайтариб олишда давом этаётган Ироқ хавфсизлик кучларини қўллаб-қувватлаш қароримизни мустаҳкамлайди, холос», — дейилади баёнотда.
Шунингдек, АҚШ ИШИД гуруҳи ва унинг бошлиқларини таг-туби билан йўқ қилишга қаратилган ҳаракатларни ишга туширишда давом этади.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)