Iroqda poytaxt Bag‘dodda sodir etilgan terakt qurbonlari xotirasiga umummilliy motam e’lon qilindi. Bu haqda mamlakat bosh vaziri Haydar al-Obodiyning 3-iyul, yaqshanba kuni tarqatilgan bayonotida ma’lum qilindi, deya xabar beradi “TASS”.
“Bag‘dodda amalga oshirilgan razil hujum qurbonlarini chuqur qayg‘u va og‘riq bilan yod etamiz. Bu yo‘qotish munosabati bilan ushbu kundan boshlab mamlakatning barcha hududida uch kunlik motam e’lon qilinadi”, — deyiladi bayonotda.
OAV ma’lumotlariga ko‘ra, Iroq poytaxtidagi portlashlarda halok bo‘lganlar soni 170 kishidan oshdi. Biroq bu ma’lumotlar rasman tasdiqlanmadi.
Mazkur portlashlar uchun javobgarlikni IShID o‘z zimmasiga oldi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)