АҚШ Украинага тўртта AN/TPQ-36 батарея (бир неча тўп ёки миномёт билан қуролланган бўлинма)га қарши радар тизимлари ва ўнта AN/TPQ-49 тизимларини топширди, деб ёзади «Корреспондент.net». Топшириш маросими «Борисполь» аэропортида Украина президенти Пётр Порошенко ва АҚШнинг Киевдаги элчиси Жеффри Пайетт иштирокида бўлиб ўтди.
Порошенко сўзларига кўра, ушбу станциялар Украина аскарларига «Россия террорчилик қўшинлари отган ҳар битта ўқни кўриш имконини беради». Мазкур ускуналар учун АҚШ 335 миллион доллар ажратган.
Украина президенти АҚШ томони хавфсизлик ва мудофаа соҳасига яна қўшимча 500 миллион доллар ажратишига умид билдириб қолди.
Изоҳ (0)