AQSh Ukrainaga to‘rtta AN/TPQ-36 batareya (bir necha to‘p yoki minomyot bilan qurollangan bo‘linma)ga qarshi radar tizimlari va o‘nta AN/TPQ-49 tizimlarini topshirdi, deb yozadi “Korrespondent.net”. Topshirish marosimi “Borispol” aeroportida Ukraina prezidenti Pyotr Poroshenko va AQShning Kiyevdagi elchisi Jeffri Payett ishtirokida bo‘lib o‘tdi.
Poroshenko so‘zlariga ko‘ra, ushbu stansiyalar Ukraina askarlariga “Rossiya terrorchilik qo‘shinlari otgan har bitta o‘qni ko‘rish imkonini beradi”. Mazkur uskunalar uchun AQSh 335 million dollar ajratgan.
Ukraina prezidenti AQSh tomoni xavfsizlik va mudofaa sohasiga yana qo‘shimcha 500 million dollar ajratishiga umid bildirib qoldi.
Izoh (0)