Ҳиндистон шимолидаги Уттаракханд штатида шиддатли ёмғирлардан сўнг ёпирилган сел оқибатида камида 34 киши ҳалок бўлди. Яна 39 киши бедарак йўқолган деб ҳисобланмоқда. Бу ҳақда 2 июль, шанба куни штат полицияси маълум қилди, деб хабар беради «ТАСС».
Ҳуқуқ-тартибот идоралари маълумотига кўра, Чамоли ҳамда Питорагарх туманларидаги олти қишлоқда 60 дан ортиқ уйни лой ва тош босди. Вайроналар остида 100 га яқин киши қолиб кетди, 200 бошдан ортиқ қорамол нобуд бўлди.
Қутқарув ишларига тезкор муносабат кучлари ва армия бўлинмалари жалб этилди, бироқ давом этаётган жала ишларнинг боришини қийинлаштирмоқда.
Метереологларга кўра, жала яна уч кун давом этади.
Изоҳ (0)