Афғонистон шарқидаги Нангархар вилоятида худкуш террорчи томонидан 1 июль, шанба куни амалга оширилган портлаш оқибатида камида икки киши ҳалок бўлди, 11 киши яраланди. Бу ҳақда TOLOnews телеканалига таяниб, «ТАСС» хабар бермоқда.
Вилоят губернатори вакили Отауллоҳ Хогиянига кўра, портлаш Жалолобод шаҳрида, жангариларга қаршилик кучлари маҳаллий етакчиси уйи яқинида содир бўлди. Унинг ўзи ҳужумда жабрланмади.
Вилоятда афғон хавфсизлик кучларининг ИШИД жангариларига қарши операцияси давом этмоқда. Нангархар губернатори Салим Қундузийнинг таъкидлашича, сўнгги ҳафта мобайнида вилоятда 225 нафар террорчи йўқ қилинди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)