Сербиянинг Зренянин шаҳри яқинидаги Житиште аҳоли пунктидаги отишмада беш киши ҳалок бўлди, камида 20 киши яраланди. Бу ҳақда 2 июль, шанба куни мамлакат ички ишлар вазири Небойши Стефанович маълум қилди, дея хабар беради «Ведомости».
Вазирга кўра, Житиштедан бўлган 38 ёшли эркак қаҳвахоналардан бирида ўт очган. У аввалига турмуш ўртоғи ва яна бир аёлни отиб ўлдирган, шундан сўнг қаҳвахона хўрандаларига қарата ўқ узган.
Полиция эркакни қўлга олишга муваффақ бўлди. Уни жиноятга ундаган сабаблар ҳозирча маълум эмас.
Изоҳ (0)