АҚШ ҳукумати Эрон ядро дастури бўйича келишувга мувофиқ Эрон олдидаги барча мажбуриятларини бажарди, бироқ молия институтлари Ислом Республикаси билан ҳамкорликни қайта тиклашни ортга сурмаслиги учун уларга қўшимча таъсир ўтказиши мумкин. Бу ҳақда АҚШ давлат котиби Жон Керри Норвегия ҳукумати раҳбари Эрна Сульберг билан биргаликдаги матбуот анжуманидан сўнг маълум қилди, деб ёзади «ТАСС».
Аввалроқ у Эрон ташқи ишлар вазири Муҳаммад Жавад Зариф билан учрашув ўтказиб, ўтган йилнинг июлида эришилган битим бажарилишининг боришини муҳокама қилган эди.
«Биз Эрондан, ваъда қилганимиздек, санкцияларни олиб ташладик, ва нафақат ҳужжатдаги ҳар битта ҳарфгача риоя қилдик, балки унинг моҳиятини ҳам инобатга олдик», — деди Керри, у бундан ҳам нари бориб, ҳозирча Эрон билан ишбилармонлик алоқаларини ўрнатишга шошмаётган банк ва корхоналарга шахсан ўзи мурожаат этганини қўшимча қиларкан.
Изоҳ (0)