21 апрель куни 90 ёшга тўлган Британия қироличаси Елизавета II нинг «расмий туғилган куни»га бағишланган уч кунлик тантаналар дастури Бирлашган Қироллик тарихидаги энг йирик байрам дастурхони билан якунланди, дея хабар бермоқда «ТАСС».
Байрам дастурхони Лондондаги асосий тантаналар кўчаси — Мэллда 10 минг киши учун безатилди. Мэлл улкан пикник зонасига айлантирилди. Зиёфат столи қарийб бир километрга чўзилди.
Очиқ осмон остида қироллик тушлигини ўтказишга Буюк Британия учун хос бўлган майда ёмғир ҳам халал бермади. Об-ҳаво инжиқликларига бас келиш учун пикник ташкилотчилари меҳмонлар учун 12 мингдан зиёд соябон буюртма қилди.
Изоҳ (0)