Аргентина Яқин Шарқ давлатларидан 3 минг қочқинни қабул қилиш режасини ишлаб чиқмоқда. Бу ҳақда мамлакат ҳукумати раиси Маркос Пенья АҚШ президентининг миллий хавфсизлик бўйича ёрдамчиси Сьюзан Райс билан учрашувидан сўнг маълум қилди, деб хабар беради «ТАСС».
«Аргентинанинг Яқин Шарқдаги буҳрон туфайли уйларини тарк этишга мажбур бўлган қочқинларни қабул қилиш ниятини тасдиқлаймиз. Уч мингга яқин кишини қабул қилиш ва халқаро муаммони ҳал этишга ёрдам беришга тайёрмиз», — деб таъкидлади Пенья.
Жанубий Америкада Уругвай ва Бразилия Яқин Шарқдан келган қочқинларни ўз ҳудудида жойлаштиришга улгурди. Чили, Парагвай ва Венесуэла ҳам ўтган йили бунга тайёр эканликларини билдирган эди.
Изоҳ (0)