Ўзбекистон баъзи ҳудудларида 27 май, жума куни ёмғир ёғади, момақалдироқ бўлади, шамолнинг тезлиги кучаяди. Бу ҳақда «Ўзгидромет» маркази хабар бермоқда.
Хабар беришларича, 27 майга ўтар кечаси Ўзбекистоннинг тоғли ҳудудларида ҳаво ҳарорати +10...+15 даража, Фарғона водийси ҳамда Тошкент, Самарқанд, Жиззах, Сирдарё ҳамда вилоятларида, шунингдек, Тошкент шаҳрида +15...+20 даража илиқ бўлади.
Қорақалпоғистон Республикаси, Хоразм, Бухоро, Навоий, Қашқадарё ва Сурхондарё вилоятларида кечаси ҳаво ҳарорати +22...+25 даражагача илиқ бўлиши кутилмоқда.
27 май куни кундузи мамлакатнинг тоғли ҳудудларида ҳаво ҳарорати +20...+25 даража илиқ бўлади; Фарғона водийси вилоятлари ва Тошкент шаҳрида +32 даражагача, Тошкент, Самарқанд, Жиззах, Сирдарё вилоятларида +35 даражагача, Қорақалпоғистон ва Хоразмда +38 даражагача, Бухоро, Навоий, Қашқадарё ва Сурхондарёда эса +39 даражагача кўтарилади.
Жума куни Ўзбекистоннинг тоғли ҳудудларида, Тошкент, Самарқанд, Жиззах, Сирдарё, Андижон, Наманган, Фарғона вилоятлари ва Тошкент шаҳрида қисқа муддат ёмғир ёғиши, момақалдироқ бўлиши, шамолнинг тезлиги кучайиши кутилмоқда.
Изоҳ (0)