БМТ болалар жамғармаси (ЮНИСЕФ) Республика таълим марказига таълим соҳаси мутахассислари билан онлайн-семинарлар ўтказиш учун мультимедиа қурилмасини тақдим этди, деб ёзади «Газета.uz» ЮНИСЕФнинг Тошкентдаги ваколатхонасига таяниб.
Ушбу ташаббус ЮНИСЕФ ва Ўзбекистон Халқ таълими вазирлиги қўшма дастурининг бир қисмидир.
«Мультимедиа ускунаси кўп сонли ўқитувчи ва методистларга зарур кўмак ва ахборотни тезкорлик билан қўлга киритиш имкониятини беришига умид қиламиз», — деди ЮНИСЕФнинг Ўзбекистондаги таълим бўлими раҳбари Афшин Парси.
Республика таълим маркази методистлари янги ускунани республика ҳудудларидаги ўқитувчиларга ўз вақтида кўмак ва кўрсатмалар бериш учун ишлатади. Мультимедиа технологиялари, шунингдек, халқаро институтлар билан билим ва тажриба айирбошлашга хизмат қилиши кутилмоқда.
Изоҳ (0)