«Хайр, мактаб — салом, коллеж!», 2016 йил учун закот миқдори, Себзор кўприги устида тўқнашган 13 машина ва куннинг бошқа муҳим янгиликлари

25 майнинг эътиборга молик янгиликлари — «Дарё»нинг кечки дайжестида.

1. Республикадаги барча умумтаълим мактабларида «Хайр, мактаб – салом, коллеж!» тадбирлари бўлиб ўтди. 2015—2016-ўқув йили давомида 476 616 нафар ўқувчи умумтаълим мактабларини тамомлайди.

2. Бухоро ва Сурхондарёда 26 май куни ҳаво ҳарорати +39 даражагача кўтарилади. Ўзбекистонда 26 май, пайшанба куни ҳаво ўзгариб туради, ёғингарчилик кутилмайди.

3. 2016 йил учун закот, фитр садақа ва фидя миқдори белгиланди. Фидя миқдори узр билан рўза тутолмайдиган кишилар учун бир оч одамнинг бир кунлик озиқ-овқати баробарида бўлиб, ўртача 10 000 (ўн минг) сўм деб белгиланди.

4. Видео: Тошкентнинг Себзор кўпригида юз берган учта ЙТҲ натижасида 13 автомобиль тўқнашди. Мазкур йўл-транспорт ҳодисалари ҳайдовчилар томонидан автомобиллар ўртасидаги оралиқ масофани сақламаслик оқибатида юз берган.

5. Одил Аҳмедов, Виталий Денисов ва Сардор Рашидов Ўзбекистон миллий терма жамоасига чақирилмади. Ўзбекистон миллий терма жамоасининг Экваториал Гвинея ва Канада термаларига қарши ўртоқлик ўйинлари учун таркиби аниқ бўлди.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.