«Россия 1» телеканали ўзининг «Вести» ахборот дастурида Ўзбекистонни Тожикистон билан адаштириб юборди. Бу ҳақда ижтимоий тармоқларда кўплаб хабарлар қолдирилган.
Хатоликка дастурнинг Шанхай ҳамкорлик ташкилоти Ташқи ишлар вазирлари кенгашининг 24 май куни Тошкентда бўлиб ўтган йиғилиши якунларига бағишланган лавҳасида йўл қўйилган.
Россия ташқи ишлар вазири Сергей Лавров йиғилиш якунлари ҳақида журналистларга интервью бераётганида, «Россия 1» телеканали «Тожикистон» деган ёрлиқни кўрсатиб турган. Мазкур лавҳа дастурнинг 13-дақиқасидан бошланади.
Қайд этиш жоиз, бу Россия телевидениесининг Ўзбекистонга нисбатан биринчи марта хато қилиши эмас. Сочида бўлиб ўтган 2014 йилги қишки Олимпиада ўйинлари очилишида россиялик спорт шарҳловчиси Дмитрий Губерниев Ўзбекистон термасини Тожикистон деб таништирган эди.
Изоҳ (0)