Канада бош вазири Жастин Трюдо Буюк Британия Европа Иттифоқи таркибида қолгани маъқул эканлигини билдирди. Бу ҳақда «Коммерсантъ» хабар бермоқда.
«Буюк Британияда доим таъсир кучи бўлган ва у ЕИда аъзолик билан фақат мустаҳкамланади», — дея таъкидлаган Трюдо.
Бош вазир, шунингдек, икки мамлакат ўртасида тўғридан-тўғри савдо келишуви бўйича музокаралар «одатий ёки автоматик» тарзда бўлмаслигини маълум қилди. Унинг айтишича, ЕИ билан шундай келишувга эришиш салкам ўн йил вақт олган, бироқ ҳозиргача имзоланмаган.
Эслатиб ўтамиз, Буюк Британиянинг ЕИдан чиқиши ёки унинг таркибида қолишини аниқлаб берадиган референдум шу йилнинг июнь ойида бўлиб ўтади.
Изоҳ (0)