2–5 май кунлари Нобель мукофоти соҳиблари халқаро академик алмашув дастури доирасида Шимолий Кореянинг етакчи олийгоҳларида маърузалар қилди ва семинарларда иштирок этди. Бу ҳақда «ТАСС» хабар бермоқда.
Илгари хабар қилинганидек, булар — Ричард Робертс (Буюк Британия), Аарон Чехановер (Исроил) ва Финн Кидланд (Норвегия).
Корея марказий телеграф агентлигининг маълум қилишича, Пхеньян бу олимларнинг фаолиятини юқори баҳолаган, талабалар иқтисодиёт, кимё ва тиббиёт соҳасида олган билимларидан мамнун бўлган.
Сафар Вена халқаро тинчлик жамғармаси ташаббусига кўра КХДРнинг етакчи олийгоҳи — Ким Ир Сен номидаги университет ташкил этилишининг 70 йиллиги муносабати билан уюштирилган эди.
Изоҳ (0)