Таиланд фермер хўжаликлари ҳукумат июнь ойида мамлакат АҚШ ташаббускори бўлган Транс-Тинч океани шериклигига кириши бўйича қарор қабул қилгудек бўлса, кўчаларда норозиликлар ўтказиш билан таҳдид қилмоқда. Бу ҳақда «РИА Новости» хабар бермоқда.
Мамлакатдаги йирик фермерлик бирлашмаларидан бири — Таиланд миллий фермерлик кенгашига кўра, мазкур шерикликка қўшилиш майда ва ўрта фермер хўжаликларини касодга учратади. Кенгаш раиси Прапхат Панячатракнинг таъкидлашича, АҚШ томонидан тузилган эркин савдо ҳудудига киришнинг салбий таъсири биринчи галда айнан қишлоқ хўжалиги ва фермерларда билинади.
Маълумот учун, Транс-Тинч океани шериклигини тузиш бўйича шартномани ўтган йил октябрида 12 мамлакат — АҚШ, Канада, Мексика, Перу, Чили, Австралия, Янги Зеландия, Япония, Бруней, Вьетнам, Сингапур ва Малайзия имзолаган бўлиб, мазкур келишув унга аъзо давлатлар маҳсулотларининг эркин савдо ҳудудида божсиз ҳаракатда бўлиши ва бошқа имтиёзларни беради.
Изоҳ (0)