Екатеринбургда футбол бўйича ЖЧ—2018 гача қолган вақтни ҳисоблайдиган соат ўрнатилади

Екатеринбургда Россияда 2018 йили бўлиб ўтадиган футбол бўйича жаҳон чемпионатидан 500 кун аввал (2017 йилнинг январь ойида) мусобақагача қоладиган вақтни ортга ҳисоблайдиган соат ўрнатилади. Соатнинг қаерда ўрнатилиши ҳозирча маълум эмас, бироқ яқин кунларда бу масала юзасидан қарор қабул қилиниши билдирилмоқда. Бу ҳақда шаҳар маъмурияти матбуот хизмати маълум қилган, дея хабар беради «ТАСС». 

2015 йил сентябрида Москванинг Манеж майдонида ортга ҳисобловчи соат ўрнатилганди. Бу акция чемпионат бошланишига 1000 кун қолганига бағишланган тантанали тадбирлар доирасида амалга оширилган. 

Маълумот учун, Россиядаги жаҳон чемпионати 2018 йилнинг 14 июнидан 15 июлигача 11 шаҳар, жумладан, Екатеринбургда ҳам бўлиб ўтади.