Россиялик теннисчи Мария Шарапованинг допинг намуналаридаги мельдоний миқдори рухсат берилган меъёрлардан ортиқ. Бу ҳақда мамлакат спорт вазири Виталий Мутко маълум қилди, деб хабар беради «ТАСС».
«Мария билан боғлиқ масала мураккаброқ. Мураккаблиги шундаки, унинг допинг намуналаридаги концентрация меъёрдан ошиқ. Мария шифокор тавсиясига кўра, дорини бир неча йиллар давомида қабул қилиб келган. Жазодан қутулиб қолиш мумкинми ёки йўқлигини олдиндан башорат қилмоқчи эмасман. Биз фақат унинг спортга қайтишини истаймиз», — деб таъкидлаган Мутко «Матч ТВ» телеканалига берган интервьюсида.
Эслатиб ўтамиз, олдинроқ мельдоний қабул қилгани аниқланган Мария Шарапова барча мусобақалардан четлатилгани ҳақида хабар берилганди.
Изоҳ (0)