Мадриднинг «Атлетико» футбол клуби бош мураббийи Диего Симеоне «Бавария»га қарши Европа Чемпионлар Лигаси ярим финал дастлабки учрашуви олдидан ўз фикрлари билан ўртоқлашди, дея хабар бермоқда УЕФА расмий сайти.
«Биз фақат бир нарса — ғалаба ҳақида ўйлашимиз керак. Ҳужумда катта салоҳиятга эга бўлган жамоа ва ўйиндан ўйинга ўзгара оладиган мураббийга қарши оғир ўйин кутяпман. Имкон бўлиши билан, ташаббусни қўлга олишга ҳаракат қиламиз. Шу жиҳатдан, бизни бутун мусобақа мобайнидаги энг муҳим учрашув кутиб турибди», — деди Симеоне.
«Бизда турфа ўйинчилар бор. Жангда аскари кўп эмас, балки аскарлардан самаралироқ фойдалана олган томон ғалаба қозонади. Мен учун футболда ёки ҳаётда қасос деган тушунча йўқ — мен фақат янги имкониятларни кўраман», — деди мадридликлар устози.
«Биз ҳам, ‘Бавария’ ҳам ўхшаш ҳолатда. Чемпионатда ғолиб чиқиш учун учрашувларда ғалаба қозониш керак, шундай экан, ҳар иккала клуб ҳам бир хил вазиятда. Мен бор-йўғи жамоам ғалабасини истайман, бошқа нарсани эмас», — дея қўшимча қилди «Атлетико Мадрид» бош мураббийи Диего Симеоне.
Маълумот учун, «Атлетико Мадрид» — «Бавария» учрашуви 27 апрель, чоршанба куни Тошкент вақти билан 23:45 да бошланади. «Дарё» интернет-нашри мазкур учрашувдан матнли онлайн уюштиради.
Изоҳ (0)