Yekaterinburgda Rossiyada 2018-yili bo‘lib o‘tadigan futbol bo‘yicha jahon chempionatidan 500 kun avval (2017-yilning yanvar oyida) musobaqagacha qoladigan vaqtni ortga hisoblaydigan soat o‘rnatiladi. Soatning qayerda o‘rnatilishi hozircha ma’lum emas, biroq yaqin kunlarda bu masala yuzasidan qaror qabul qilinishi bildirilmoqda. Bu haqda shahar ma’muriyati matbuot xizmati ma’lum qilgan, deya xabar beradi “TASS”.
2015-yil sentabrida Moskvaning Manej maydonida ortga hisoblovchi soat o‘rnatilgandi. Bu aksiya chempionat boshlanishiga 1000 kun qolganiga bag‘ishlangan tantanali tadbirlar doirasida amalga oshirilgan.
Ma’lumot uchun, Rossiyadagi jahon chempionati 2018-yilning 14-iyunidan 15-iyuligacha 11 shahar, jumladan, Yekaterinburgda ham bo‘lib o‘tadi.
Izoh (0)