«Барселона» ҳужумчиси Лионель Месси ғалабаларга бўлган иштиёқи сўнмагани ҳамда ҳали бир нечта совринларни ютиш умиди бор эканини билдирди, деб хабар беради «Чемпионат».
«Фаолиятимни ҳозиргидан кўра кўпроқ совринлар билан якунлашни хоҳлардим. Ҳар бир мавсум олдидан ўз олдимга ушбу вазифани қўяман. Ғалаба қозонишда давом этишни истайман», – деб ёзди 28 ёшли аргентиналик футболчи Facebook’даги саҳифасида.
Жорий мавсумда Лионель Мессида Испания чемпионлигини қўлга киритиш ҳамда 22 май куни «Севилья»га қарши ўтказиладиган Испания Кубогида ғолиб бўлиш имкониятлари мавжуд.
Маълумот ўрнида, Испания чемпионати якунланишига 3 тур қолганида «Барселона» 82 очко тўплаган ҳолда биринчи, худди шунча очкога эга, аммо тўплар нисбати бўйича каталонияликларга имкониятни бой бераётган «Атлетико» иккинчи ўринда бормоқда. «Реал» 81 очко билан кучли учликдан жой олган.
Изоҳ (0)