Туркия расмийлари олдинроқ қўлга олинган турк миллатига мансуб нидерландиялик журналист аёл Эбру Умарни қўйиб юборди. Бу ҳақда унинг ўзи Twitter’даги саҳифасида маълум қилган, дея хабар беради «ТАСС».
«Озодман, лекин мамлакатни тарк этмаслик ҳақида тилхат қолдирдим», — деб ёзган Умар. Бу эса журналистга нисбатан тергов ҳаракатлари давом этаётганини билдиради.
Metro газетасининг Нидерландияда чиқадиган нашрида шарҳловчи бўлиб ишлайдиган Эбру Умар 23 апрель, шанба куни Измир вилояти, Кушадаси шаҳридаги уйида ҳибсда олинганди. Бунга журналистнинг Туркия президенти Ражаб Тоййиб Эрдўғонга танқидий муносабати сабаб бўлиши мумкинлиги тахмин қилинмоқда.
Изоҳ (0)