2015 йил кузидан бери 71,9 минг нафар Колумбия фуқароси Зика вирусини юқтириб олди. Улар орасида 12,8 минг нафар ҳомиладор аёл бор. Бу ҳақда 23 апрель, шанба куни мамлакат соғлиқни сақлаш миллий институти маълум қилди, деб хабар беради «ТАСС».
Қонида Зика вируси аниқланган салкам 470 кишида неврологик бузилишлар, жумладан, 304 кишида Гийен-Барре синдроми қайд этилди. Улардан камида уч киши шу синдром қурбони бўлди.
Эслатиб ўтамиз, олдинроқ мамлакатда Зика вирусига чалинганлар сони 68 минг кишидан ошгани ҳақида хабар берилганди.
Изоҳ (0)