Пентагон: КХДР томонидан учирилган навбатдаги ракета АҚШ учун хавф туғдирмайди

Шимолий Корея томонидан учирилган навбатдаги ракета Қўшма Штатлар учун хавф туғдирмайди. Бу ҳақда АҚШ Қуролли кучлари стратегик қўмитаси маълум қилди, деб хабар беради «Газета.ru».

Давлат департаменти расмий вакили Жон Кирби парвозга изоҳ берар экан, бу БМТ Хавфсизлик кенгаши бир неча резолюцияларининг бузилиши эканлигини таъкидлади. У Пхеньянни Корея ярим оролида вазиятни беқарорлаштиришдан воз кечиш ва халқаро мажбуриятларини бажаришни бошлашга чақирди.

Эслатиб ўтамиз, Жанубий Корея ОАВ маълумотларига кўра, 23 апрель, шанба куни КХДР Хамгён-Намдо провинцияси, Синпхо порт шаҳрида сувости кемасидан баллистик ракетани учирган.