Рим папаси Францискнинг Грециядаги Лесбос оролига ташрифи кутилмаган тарзда якунланди — у Alitalia махсус самолёти бортида ўзи билан бирга муҳожирлар лагеридан 12 нафар қочоқни олиб келди. Бу ҳақда «ТАСС» хабар бермоқда.
Папа маъмурияти раҳбари Федерико Ломбардининг билдиришича, қочқинлар жами олти нафар боласи бор суриялик уч мусулмон оиласи бўлиб, улар ЕИнинг Туркия билан келишуви кучга киргунга қадар оролда бўлган. Греция ва Италия расмийлари ўртасидаги битимга кўра, муҳожирларга авлиё Егидий католик жамоаси мезбонлик қилади.
Папа Грециядаги оролга ташрифидан кўзда тутилган асосий мақсад «муҳожирлар билан боғлиқ буҳронга бутун дунё диққатини жалб этиш» истаги эканлигини маълум қилди. Италия президенти Сержо Маттарелла унинг номига йўлланган телеграммада папанинг миссияси «Европани оёққа турғизгани»ни баён қилди.
Греция Франциск ташриф буюрган 13-мамлакат бўлди. Яқин орада у Польша, Арманистон, Грузия, Озарбайжон ва Швецияга бориши кўзда тутилган.
Изоҳ (0)