АҚШ президенти Барак Обама генерал Лори Робинсонга мамлакат ҳудудининг континентал қисмини ҳимоя қиладиган Шимолий қўмондонликни бошқаришни топширишга қарор қилди. Бу ҳақда «ТАСС» хабар бермоқда.
Агар унинг номзоди Конгресс сенати томонидан маъқулланса, Робинсон бундай лавозимга лойиқ кўрилган биринчи аёл бўлади. Шунингдек, у Шимолий Америка аэрокосмик мудофааси бирлашган қўмондонлигига (NORAD) ҳам раҳбарлик қилади.
АҚШ қуролли кучларида жами тўққиз оператив қўмондонлик фаолият олиб боради. Улардан олтитаси минтақавий (Шимолий, Жанубий, Марказий, Европа, Тинч океани ва Африка), учтаси эса функционал (Стратегик, Транспорт ва махсус операциялар) қўмондонлик ҳисобланади.
57-ёшли Лори Робинсон тўрт юлдузли генерал олий унвонига эга АҚШ қуролли кучларидаги уч нафар аёлдан бири ҳисобланади. Ҳозирга қадар у Тинч океани қўмондонлигида ҳарбий-ҳаво операциялари учун жавоб бериб келаётганди.
Изоҳ (0)