Арманистоннинг собиқ президенти Роберт Кочарян уйига ташланган граната ўқув қурилмаси бўлиб чиқди. Бу ҳақда мамлакат Тергов қўмитаси маълум қилди, деб хабар беради «ТАСС».
«Дастлабки маълумотларга кўра, 15 апрель, жума куни маҳаллий вақт билан 18:25 атрофида номаълум кимса автомобилда Арманистоннинг иккинчи президенти уйига яқинлашган ва қўриқчилар хонаси томонга ўқув гранатаси улоқтирган. Мазкур ҳолат юзасидан жиноий иш очилган, ҳодиса жойи кўздан кечирилиб, гувоҳлар сўроқ қилинган. Граната улоқтирилган автомобиль русуми ва рангини аниқлашга муваффақ бўлинган. Айни пайтда бунга қўл урган шахсни аниқлаш учун тезкор-қидирув ҳаракатлари олиб борилмоқда», — дея таъкидлади қўмита вакиллари.
Августда 62 ёшни қарши оладиган Кочаряннинг ўзи ҳодиса рўй берган пайтда «Система» компанияси директорлар кенгаши йиғилишида иштирок этиш учун Москвада бўлган.
Изоҳ (0)