Муҳожирлар билан боғлиқ буҳрон ечимини Европадан қидирмаслик керак, чунки қитъа давлатлари ёрдам керак бўлган барчани қабул қилолмайди. Германия собиқ канцлери Гельмут Коль шундай ҳисоблайди; унинг фикрлари Der Tagesspiegel нашрининг электрон кўринишида чоп этилди, деб хабар беради «ТАСС».
Унинг айтишича, буҳрон ечими Европада эмас, қочоқлар келаётган мамлакатларда топилиши керак. «Европа бутун дунёдаги миллионлаб кишилар учун янги ватан бўлолмайди. Қитъа жиддий синовга дуч келди, ундаги давлатлар шерикларига таянмай ҳаракат қилмаслиги зарур», — деб таъкидлади собиқ канцлер.
Коль 19 апрель, сешанба куни уйида Европа сиёсати бўйича қарашларини маъқуллайдиган ва ўзининг дўсти деб ҳисоблайдиган Венгрия бош вазири Виктор Орбанни қабул қилади.
Изоҳ (0)