АҚШ ҳарбий-ҳаво кучлари разведкачи самолёти Болтиқ денгизи устида халқаро ҳаво ҳудудидан учиб ўтиш вақтида Россия қирувчиси томонидан тўхтатиб қолинди. Бу ҳақда АҚШ Қуролли кучлари Европа қўмондонлигига таяниб, «Интерфакс» хабар берди.
Ҳодиса 14 апрель, пайшанба куни содир бўлди. Европа қўмондонлиги вакили Дани Эрнандес айтишича, Россия самолёти «тартибсиз ва тажовузкор манёврларни амалга оширган»: хусусан, у АҚШ самолёти қанотидан 15 метр масофада учиб ўтган.
Россиянинг Су-27 самолёти Американинг RC-135 самолёти чап борти томонига келиб «бочка»ни амалга оширган, унинг ўнг томонида манёврни бажарган. АҚШнинг RC-135 самолёти «Россиянинг Су-27 самолёти томонидан хавфсиз ва профессионал бўлмаган тарзда тўхтатиб қолинган», — деди Эрнандес ва разведкачи Россия чегарасини ҳеч ҳам кесиб ўтмаганини қўшимча қилди.
У АҚШ Россия ҳукуматига эътироз билан мурожаат қилишини айтди.
Изоҳ (0)