БМТ Хавфсизлик кенгаши Шимолий Корея томонидан 15 апрель, жума куни баллистик ракета учиришга қаратилган ҳаракатни қоралади. Ўша куннинг ўзида қабул қилинган матбуот учун баёнотда кенгаш аъзолари Пхеньянга қарши «келгусида янада жиддий чоралар» кўришга тайёр эканлигини билдирган. Бу ҳақда «ТАСС» хабар бермоқда.
«ХК аъзолари КХДР томонидан 15 апрелда баллистик ракета учирилишини кескин қоралади. Гарчи учириш муваффақиятсиз якунланган бўлса-да, мазкур ҳаракат Хавфсизлик кенгаши резолюцияларининг яққол бузилишидир», — дейилади баёнотда.
Кенгаш Пхеньяндан бундай ҳаракатлардан тийилиш ва ўз мажбуриятларини тўлиқ бажаришни талаб қилди, шунингдек, барча давлатларни КХДРга нисбатан санкциялар тартиби бажарилиши юзасидан уринишларни «икки карра ошириш»га чақирди.
Изоҳ (0)