Яманда ўт очишни тўхтатиш режими бир кеча-кундузга кечиктирилди, дея хабар бермоқда «ТАСС». У, БМТда режалаштирилганидек, Ямандаги ўзаро музокараларни бошлаб бериши керак.
Sky News Arabia телеканали маълумотларига кўра, низо томонлари, яъни ҳукуматпараст кучлар ва уларни қўллаб-қувватлаётган араб коалицияси ҳамда шиа исёнчилари (хусийлар) 10 апрель, якшанбадан душанбага ўтар кечаси қуролни ташлаши кутилмоқда.
Дастлаб, ярашув ўтган тунда кучга кириши керак эди. Аммо режалаштирилган муддатдан бир кун аввал мамлакатда, айниқса, Саудия Арабистони билан чегарадош туманларда оғир жанглар олиб борилаётган эди. Шу туфайли, бундан олдинги вазиятларда ҳам бўлгани каби, улар давом этиши истисно қилинмаяпти.
Изоҳ (0)