АҚШ президент Барак Обаманинг Кубага ташрифи арафасида мазкур орол-давлатга нисбатан қўллаб келинаётган санкциялар тартибига муайян ўзгаришлар киритмоқда. Бу ҳақдаги қарор 16 мартдан бошлаб, ҳукуматнинг Federal Register нашрида чоп этилгач, кучга киради, дея хабар беради «ТАСС».
Янги қоидаларга кўра, америкаликларга шахсий таълим ва алмашув дастурлари доирасида Кубага бориш, АҚШ компанияларига эса Куба фуқароларини ишга олишга рухсат берилади. Куба маҳсулотлари ва хизматларини харид қилиш, кубаликлар АҚШ банкларида ҳисоб рақам очишларига йўл қўйилади.
Шунингдек, офис ва савдо нуқталари очиш, юк ташиш, оролда ишлаб чиқарилган дастурий таъминотни импорт қилиш, Кубадаги таълим лойиҳалари учун грант ва стипендиялар ажратилишига ижозат берилади.
Эслатиб ўтамиз, Барак Обама рафиқаси Мишель ҳамроҳлигида 21—22 март кунлари Кубада бўлиши ва 88 йил давомида мазкур орол-давлатга келган АҚШнинг биринчи амалдаги давлат раҳбарига айланиши кутилмоқда.
Изоҳ (0)