Парижда 2015 йил 13 ноябрда содир этилган терактларни текшираётган Бельгия полицияси 15 март, сешанба куни олиб борган навбатдаги тинтувларидан сўнг Брюсселнинг Форе коммунасида отишма юзага келди, деб ёзади «Ведомости».
Баъзи маълумотларга кўра, номаълум шахс полициячиларга Калашников автоматидан ўқ узган. Икки полициячи енгил жароҳат олган. Брюсселнинг отишма содир бўлган қисми тўлиқ ёпилган.
Ўқ узган шахс (бошқа манбаларга кўра, улар икки киши бўлган) полициядан томлар устида югуриб қочишга муваффақ бўлган. Бельгия прокуратураси вакили операция Париж терактлари билан боғлиқлигини тасдиқлади.
Бугунги кунда Бельгияда 11 нафар гумонланувчига нисбатан Парижда содир этилиб, 130 кишининг ҳаётига зомин бўлган террорчилик ҳужумлари билан боғлиқ айбловлар эълон қилинган.
Текширув ушбу ҳужумлар Брюсселда тайёрлангани ва у ерда туриб координация қилинганини кўрсатди.
Изоҳ (0)