Ливиянинг собиқ етакчиси Муаммар Қаддафийнинг ўғилларидан бири Саъдий Қаддафий устидан суд жараёни 12 апрелга қолдирилди. Триполидаги суд эшитуви беш дақиқадан камроқ давом этди, дея хабар беради «ТАСС».
Саъдий Ливиянинг бугунги расмийлари томонидан 2011 йилги инқилоб пайтида қотилликлар ва қатағонларни ташкиллаш, шунингдек, 2005 йили «Ал-Иттиҳод» футбол клуби мураббийи Башир Раянийни ўлдиришда айбланмоқда.
Ўтмишда ўзи ҳам профессионал футболчи бўлган Ливия армияси полковниги Саъдий Қаддафий 2011 йили Нигерга қочганди. У 2014 йилнинг 6 мартида Ливияга экстрадиция қилинган ва шундан бери пойтахтдаги қамоқхоналардан бирида сақланади.
Изоҳ (0)