Беларусь давлат хавфсизлиги қўмитаси президент Александр Лукашенкога яқин саналган «Трайпл» компаниялар гуруҳи эгаси Юрий Чижнинг қўлга олинганини расман тасдиқлади. Бизнесмен ўта йирик миқдорда солиқ тўлашдан бош тортганликда айбланмоқда. Бу ҳақда «РБК» хабар берди.
Қўмита матбуот хизмати раҳбари Дмитрий Побяржиннинг билдиришича, Чиж билан биргаликда жиноятга шерикликда гумон қилинаётган яна бир неча киши ҳибсга олинган. Улар айни пайтда қўмита тергов изоляторида сақланмоқда. Қўлга олинганларга нисбатан кечиктириб бўлмас тергов ҳаракатлари ва зарур тезкор-тергов тадбирлари ўтказилмоқда.
Изоҳ (0)