Дунёдаги ўртача ҳарорат 2016 йил февралида ўртача кўрсаткичлардан Цельсий бўйича 1,35 даража юқори бўлган. Бу 1880 йилдан бери ўртача ойлик ҳароратдан энг катта оғиш ҳисобланади, дея хабар беради Meduza.
Иссиқ ҳароратнинг рекорд даражаси қаторасига учинчи ой қайд этилмоқда. Жумладан, январь ойида ҳарорат ўртача кўрсаткичдан 1,13 даража юқори бўлган.
NASA маълумотларига кўра, 2015 йил Ер юзида кузатувлар тарихидаги энг иссиқ йил бўлган: қуруқликдаги ўртача ҳарорат 2014 йилги рекорддан 0,13 даража ошган.
Эслатиб ўтамиз, метеорологик кузатувларнинг февраль ойи тарихи бўйича 2016 йилда Тошкент шаҳрида янги рекорд қайд этилган. «Ўзгидромет» маълумотларига кўра, 2016 йил 25 февраль куни ҳаво ҳарорати +27 даражагача кўтарилган.
Изоҳ (0)