Бортида 4 киши бўлган Ан-26 самолёти Бангладеш қирғоқлари яқинида ҳалокатга учраши оқибатида камида бир киши ҳалок бўлди. Бу ҳақда «РИА Новости» хабар бермоқда.
True Aviation компанияси бошқарувида бўлган самолёт 9 март, чоршанба куни, маҳаллий вақт билан 9:30 (Тошкент вақти бўйича 09:00) да ҳалокатга учраган ва денгизга қулаган. Ҳаво кемасидан Кокс-бозор ва Жессор шаҳарлари оралиғида майда қисқичбақа ташиш учун фойдаланилган.
Полиция маълумотига кўра, самолёт бортида фақат маҳаллий фуқаролар бўлган. Икки киши маҳаллий балиқчилар томонидан қутқарилган ва касалхонага жўнатилган. Улардан бири ўша ерда вафот этган, бошқаси эса оғир ҳолатда эканлиги айтилмоқда. Бедарак йўқолган икки кишини қидириш ишлари давом этмоқда.
Изоҳ (0)