2011 йил 11 мартда рўй берган мамлакат тарихидаги энг кучли 9 балли зилзиладан сўнг Япония ҳудуди шарққа, АҚШ томонга силжишда давом этмоқда. Бу ҳақда «ТАСС» маълум қилган.
Япония давлат географик ахборот бошқармасида билдирилишича, охирги йилнинг ўзида мамлакатнинг бош ороли Хонсюдаги Мияги ва Иватэ префектуралари ҳудуди айрим жойларда 10 сантиметргача кўчган. Зилзиладан бери ўтган 5 йил давомида мазкур ҳудудлардаги катта майдонлар айрим ерларда тахминан 5 метрга силжигани қайд этилган. Энг катта силжиш (6,4 метр) Мияги префектурасининг Осика яриморолида кузатилган.
Ҳозирда пойтахт Токио жойлашган Канто текислигида шарққа кўчиш тўхтаган, бироқ мазкур жараён Хонсюнинг шимоли-шарқида давом этмоқда.
Изоҳ (0)