Зарурият туғиладиган бўлса, АҚШ Ливияда ИШИД гуруҳига қарата янги зарбалар беришга тайёр. Бу ҳақда Оқ уй матбуот котиби Жош Эрнест маълум қилди, деб ёзади «ТАСС».
Журналистлар ундан The New York Times газетасининг Пентагон ушбу мамлакатдаги ИШИД жангариларига қарши ҳарбий операциянинг батафсил режасини ишлаб чиқиб, АҚШ президенти Барак Обамага тақдим этгани ҳақидаги хабарларини изоҳлашни сўради.
«Факт шундан иборатки, сўнгги бир неча ой ичидагина биз АҚШ ҳарбий хизматчилари томонидан Ливиядаги ИШИД етакчиларига қарши берилган иккита йирик зарба гувоҳига айландик», — деди Эрнест. У президент ушбу операцияларга рухсат бераётиб, «иккиланмагани»ни таъкидлади.
«Агар у ерда миллий хавфсизлигимиз учун аҳамиятга эга нишонлар яна пайдо бўлса ва президент буни аввалги иккита ҳолат каби муҳим деб топса, у ҳеч ҳам иккиланмасдан уларни йўқ қилиш ҳақида буйруқ беради», — дея ишонтирди Оқ уй вакили.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)