Жанубий Хитойдаги Гуандун вилояти соғлиқни сақлаш мутасаддилари мамлакатда Зика безгагига чалиниш билан боғлиқ ўнинчи ҳолат аниқланганини маълум қилди. Бу ҳақда «ТАСС» хабар бермоқда.
Марказий Хитой телевидениеси хабарига кўра, хавфли вирус вилоятнинг 40 ёшли фуқаросида аниқланган. Олдинроқ унинг икки нафар фарзандида касаллик аломатлари топилгани айтилмоқда. Ҳозирда бемор касалхонага жойлаштирилган бўлиб, унинг аҳволи барқарор эканлиги билдирилган.
Эслатиб ўтамиз, олдинроқ Хитойда биринчи бўлиб Зика безгагига чалинган киши тузалиб, шифохонадан чиққани ҳақида хабар берилганди.
Изоҳ (0)