2016 йилда тинчлик бўйича Нобель мукофотига рекорд сондаги даъвогарлар илгари сурилди, дея хабар бермоқда Meduza Нобель қўмитаси сайтига таяниб.
Ташкилотга жами 376 та ариза келиб тушган. Мукофотга даъвогарлар орасида 228 нафар киши ва 148 та ташкилот бор.
Нобель қўмитаси тинчлик бўйича мукофотга айнан кимлар даъвогарлик қилаётганига аниқлик киритмади.
Бундан аввалги рекорд 2014 йилда ўрнатилган эди. Ўшанда 278 нафар номзоддан ариза келиб тушган.
Нашр эслатишича, аввалроқ тинчлик бўйича Нобель мукофотига АҚШ Миллий хавфсизлик агентлиги собиқ таҳлилчиси Эдвард Сноуден, Колумбия ҳукумати ва FARC исёнчилари, шунингдек, Греция аҳолиси даъвогарлик қилаётгани айтилган эди.
Изоҳ (0)