Балиқчилар Филиппин қирғоқларида инсоннинг мумиёлашган жасади мавжуд яхтани аниқлади. Кема бортида бўлган ҳужжатлар орқали марҳумнинг шахси аниқланди — у бир йилга яқин бедарак йўқолган деб ҳисоблаб келинган 59 ёшли немис сайёҳи Манфред Фриц Байорат бўлиб чиқди. Бу ҳақда «ТАСС» хабар бермоқда.
12 метрли Sayo яхтаси эгаси тажрибали сайёҳ ҳисобланарди: у сўнгги 20 йил мобайнида кўплаб узоқ муддатли океан сафарларини амалга оширганди. Танаси денгиз иқлими таъсирида мумиёга айланган эркак жасади радиостанция олдида ўтирган ҳолатда топилди, шу боис у ёрдам сўрашга ҳаракат қилгани тахмин этилмоқда.
Ўлим юз берган вақт ва бунинг сабаблари ҳозирча аниқланмаган.
Изоҳ (0)