Боксчиларнинг вазн ўлчаш маросимида содир бўлган қуролли ҳужумни Ирландия республика армиясининг бўлинмаларидан бири Continuity IRA’нинг аъзолари уюштирган, деб хабар беради «Корреспондент.net».
Ташкилот ҳужум учун жавобгарликни ўз бўйнига олиши ҳақида тегишли баёнотни эълон қилди.
Хабарда гуруҳ бундан кейин ҳам «наркотик савдоси билан шуғулланувчилар ва жиноятчилар»га ҳужум қилмоқчи эканлиги айтилади.
Ҳужум қурбони Дэвид Бирн эканлиги аниқланди. Бирн 2012 йилда ташкилотнинг бошқа бир бўлинмаси Real IRA’нинг асосчиларидан бири Алан Райаннинг ўлдирилишига алоқадорлиги таъкидланмоқда.
Полиция хабарига кўра, ҳужумда камида олти киши қатнашган.
Эслатиб ўтамиз, 5 февраль, жума куни Regency Hotel меҳмонхонасида боксчиларнинг вазнини ўлчаш маросими вақтида содир бўлган ҳодиса оқибатида бир киши ҳаётдан кўз юмди, икки киши яраланди.
Ирландия республика армияси ўз мақсади Шимолий Ирландиянинг Буюк Британиядан мустақиллигига эришиш деб билади.
Изоҳ (0)