8 февралнинг муҳим янгиликлари — «Дарё»нинг кечки дайжестида.
1. «Россия 1» телеканали биринчи марта махсус топшириқли бўлинмалар Суриядаги ҳаракатлар учун қандай тайёрланиши ҳақида гапириб берди. Мана энди маълум бўлди — Сурияда чечен ҳарбийлари ҳам жанг қиляпти ва уларнинг бир неча нафари ҳалок бўлган.
2. Тайванда юз берган зилзила қурбонлари сони ошиб бормоқда. 6 февраль куни юз берган зилзила натижасида, сўнгги маълумотларга кўра, 37 киши ҳалок бўлган.
3. Тошкентда 9 февраль куни ёмғир қорга айланади. Атиги бир кун аввал эса Самарқандда ҳаво ҳароратининг иссиқлиги бўйича навбатдаги рекорд ўрнатилганди.
4. Ҳиндистонлик ҳайдовчи метеорит тушиши туфайли ўлган инсоният тарихидаги биринчи одам бўлди. Воқеа 6 февраль, шанба куни содир бўлган, бироқ ОАВ бунга орадан икки кун ўтибгина эътибор берган.
5. iPhone 7 қандай кўринишга эга бўлиши ошкор этилди. Apple’нинг кузда чиқариладиган янги смартфони, инсайдерлар фикрича, металл корпусини ҳамда тепа ва пастки қисмидаги керамик деталларини йўқотади.
Изоҳ (0)