Европа ҳукуматига яқин вақт ичида ушбу ҳудудга етиб келган ўн мингга яқин вояга етмаган қочоқнинг жойлашган жойи ҳақида ҳеч нарса маълум эмас. Бу ҳақда Европа Иттифоқи полиция хизмати (Europol) маълумотига таяниб, Meduza хабар беради.
Болаларнинг ғойиб бўлиши уларнинг барчаси ҳалок бўлганлиги ёки жиноятчилар қўлига тушганлигини англатмайди. Уларнинг баъзилари қариндошлариникига етиб олган бўлиши ёки уларни бошқа оилалар ўзларига олган бўлиши мумкин. Europol фақат уларнинг тақдири ҳақида ҳеч нарса маълум эмаслигини хабар қилмоқда.
Болаларнинг энг кўп сони, яъни беш мингга яқини Италияда ғойиб бўлган. У ерга муҳожирларнинг Шимолий Африкадан қочиб бораётганлиги қайд этилган. Яна минг нафар вояга етмаган Швецияда ғойиб бўлган. Буюк Британияда 2015 йилнинг январь—сентябрь ойларида 340 нафар бола йўқолган.
Save the Children ташкилотининг маълумотларига қараганда, 2015 йилда Европага 26 минг бола катталарнинг кузатувисиз етиб келган.
Изоҳ (0)