Саудия Арабистони расмийлари ўтган йил августида Абха шаҳрида содир этилган портлаш ташкилотчиларини қўлга олишда ёрдам берганлик учун 5 миллион риёл (1,33 миллион доллар) тўлашга тайёр. Шунингдек, мамлакат ҳудудида амалга оширилиши режалаштирилаётган теракт ҳақидаги маълумот учун 7 миллион риёл (1,85 миллион доллар) берилади. Бу ҳақда «ТАСС» хабар қилмоқда.
Мамлакат ички ишлар вазирлиги маълумотига кўра, Асир вилояти маъмурий маркази Абхадаги портлашлар ортида турган террорчи гуруҳга мансуб тўққиз киши аниқланган.
2015 йил августида Саудия Арабистони махсус бўлинмаси базаси қошидаги масжидда террорчи-худкуш ўзини портлатиб юборган, бунинг оқибатида бўлинманинг 17 нафар ходими ҳалок бўлган, ўнлаб кишилар жароҳат олганди.
Изоҳ (0)