Туркия ҳарбий-ҳаво кучларида хавфнинг «тўқ сариқ» даражаси эълон қилинди

Туркия ҳарбий-ҳаво кучлари (ҲҲК) хавфнинг «тўқ сариқ» даражаси туфайли ўз бўлинмаларини хизмат ўташнинг алоҳида тартибига ўтказди. Бу ҳақда «ТАСС» хабар бермоқда.

Milliyet газетаси шу тариқа «турк авиацияси ҳушёрлиги оширилгани ярим расмий равишда бутун дунёга етказилгани»ни маълум қилди. Нашрнинг билдиришича, Туркия қуролли кучлари хавфнинг учта асосий даражасидан фойдаланади: «оқ» (ҳужум эҳтимоли кам), «сариқ» (ҳужум эҳтимоли мавжуд) ва «қизил» (тўқнашув ёки уруш эҳтимоли юқори). ҲҲК учун «тўқ сариқ» даражаси ҳам жорий этилган бўлиб, у «тўқнашув исталган пайт юз бериши мумкинлиги ҳамда мудофаа ва ҳужумга тайёр туриш лозимлиги»ни англатади.

Эслатиб ўтамиз, Туркия ташқи ишлар вазирлиги 29 январь куни Россиянинг Су-34 самолёти мамлакат ҳаво ҳудудига бостириб киргани ҳақида баёнот берди.