Япония 2015 йилда бошпана сўрови бўйича келиб тушган 7586 та аризадан фақат 27 тасини қондирди. Бу бошпана бериш ҳақидаги сўровларнинг 99 фоизи рад этилганини англатади, деб хабар қилади «Корреспондент.net».
Сўров билан мурожаат қилганлар орасида беш нафар суриялик фуқаро бўлиб, улардан уч нафарига Японияда қолишга рухсат берилди.
2014 йил давомида эса Японияга 5000 та сўров келиб тушиб, уларнинг 11 нафарига бошпана берилган, холос.
Ҳуқуқ ҳимоячилари Япония иммиграция расмийларининг қаттиққўллигига ва муҳожирларни сақлаш жойларидаги ноқулай шароитга кўп йиллардан буён эътибор қаратиб келмоқда.
БМТнинг қочоқ ишлари бўйича агентлигининг маълум қилишича, Японияда 2419 нафар муҳожир яшаб келаётган бўлса, АҚШ 267 минг нафар, Туркия ― 1,8 миллион нафар муҳожирга бошпана берган. Шунингдек, йил бошидан буён миллиондан зиёд муҳожир денгиз орқали Европага ўтиб кетди.
Изоҳ (0)