Россиянинг Великий Новгород шаҳрида меҳмонхона оқсочи хоналардан бирида бир миллион рубль пулни топиб олди, уни шу хонада яшаб кетган мижоз матрас тагида унутиб қолдирган эди. Бу ҳақда «Интерфакс» хабар бермоқда.
Хизматчи пул ўрамини тўшакни йиғаётганида топиб олган. Унинг ичида доллар, евро ва рубллар бўлган. Россия валютасига ўгирилганида топилган нақд пулларнинг жами қиймати қарийб бир миллион рублга тенг бўлган.
Меҳмонхона ходимлари бу хонада яшаб кетган мижоз билан боғланиб, унга пулларини қайтарди. Миннатдорлик белгиси сифатида мижоз меҳмонхона ишчиларига ширинликлар ва шампан виносини тортиқ қилди.
Изоҳ (0)